ہندوستان میں شدید گرمی سے 135 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان میں،شدید گرمی کے نتیجے میں مرنے والے افراد کی  تعداد 135 تک پہنچ گئی ہے۔ اطلاعات کے مطابق شدید گرمی کے باعث ہندوستان  کی ریاست تلنگانہ ،آندھرا پردیش اور اڑیسہ میں مرنے والوں کی تعداد 135 ہوگئی ہے۔ محکمہ موسمیات نے پیش گوئی کی ہے کہ گرمی کی شدت آئندہ دو تین روز تک جاری رہے گی جبکہ  تلنگانہ میں گرمی کی شدت کے باعث سالانہ چھٹیوں سے پہلے ہی اسکول بند کر دیئے گئے ہیں۔ ماہرین نے گرمی کی شدت کے باعث ہلاکتوں میں اضافے کا خدشہ ظاہر کیا ہے۔